ҰЛТТЫҚ КИНОНЫ ҚОЛДАУ МЕМЛЕКЕТТІК ОРТАЛЫҒЫ

Бүгін театр мен киноның аңызына айналған Асанәлі Әшімовтің туғанына 85 жыл толып отыр. Шебердің есімін отандық өнерді сүйетін қазақстандықтардың бәрі біледі. 

Жас Асанәлінің шығармашылық жолы кездейсоқ түскен театр факультетінен басталған. Мектеп түлегін ауылдан Алматыға шығарып салу кезінде туған-туыстары былай деген: «Өзің қалаған оқуға түсе бастысы – түссең болды!». Елордаға келген талапкер өзінің таныстарымен, театр факультетінде оқитын студент жігіттермен бірге тұрады.  Әйгілі актер осы кезең оның тағдырын анықтағанын еске алып, айтып отырады.    

Асанәлі студент кезінен бастап киноға түсе бастады. Сәбит Мұқановтың повесі бойынша түсірілген «Ботагөз» фильміндегі Кенжетайдың рөлі оның алғашқы жұмысы болды. Оқудан соң ол «Қазақфильм» студиясына жұмыс істеуге келеді. Ал 1963 жылдан түсірілім алаңына театр сахнасы да қосылады, ол М. О. Әуезов атындағы Қазақ драма театрында әртіс ретіндегі жұмысын бастайды.

Асанәлі Әшімов өзінің жарқын шығармашылық өмірінде сахнада 50-ден астам рөлдерді сомдаған,  С.Қожамқұлов, Ш. Айманов, Қ. Жандарбеков, К. Байсейітов сияқты режиссерлермен жұмыс істеген. 

60-шы жылдардың соңынан бастап Әшімов  тек Қазақ драма театрында ғана емес, Ж. Шанин атындағы Шымкент облыстық драма театрында және Ғ. Мүсірепов атындағы Республикалық жас көрермен  театрында да спектакльдер қоя бастайды.   

Асанәлі Әшімовтің кинематографиялық өмірбаяны бүгінде 40-қа жуық рөлді қамтиды. Тағы бес картинада ол режиссер, алтыға жуық туындылардың сценарийін жазған.    

Шебер миллиондаған көрермендердің сүйіспеншілігіне бөленіп, мемлекетпен жоғары деңгейде мойындалды. КСРО және ҚазКСР Халық әртісі, КСРО және ҚазКСР Мемлекеттік сыйлығының лауреаты, Қазақстан Республикасының Еңбек Ері – оның жұмысына берілген көптеген атақтар мен марапаттардың бірнешеуі ғана.

Біз Асанәлі Әшімовті мерейтойымен шын жүректен құттықтаймыз және оған ұзақ ғұмыр мен мықты денсаулық тілейміз!

08.05.2022