62 киножоба 2022 жылғы конкурстық іріктеуден өтті. ҚР Мәдениет және спорт министрінің міндетін атқарушының 2022 жылғы 22 шілдедегі бұйрығына сәйкес бұл жобалар шығарылуына мемлекеттік қаржылық қолдау алады. Бұл шешім «ҰКҚМО» КЕАҚ жанындағы Сараптама кеңесінің оң қорытындысы мен Ұлттық фильмдерді мемлекеттік қаржылық қолдау мәселелері жөніндегі ведомствоаралық комиссия ұсынымының негізінде қабылданған.

"ҰКҚМО" КЕАҚ атына "Лучник" ("Nomad Stunts" ЖШС), "Повилика" ("Tanaris Production" ЖШС), "Город духов – Киин-Кериш" ("Central Asia Production" ЖШС) және "Иноходец" (Ш. Айманов атындағы "Қазақфильм" АҚ) киножобаларының өндірістік компанияларынан ресми хаттар келіп түсті. Бірқатар себептерге байланысты бұл өндірістік компаниялар өздерінің киножобаларын жүзеге асырудан бас тартты. Осылайша, 16.11.2022 жылғы жағдай бойынша 2022 жылы қаржыландырылатын картиналар саны 62-ден 58-ге дейін қысқарды.

Қазақстан Республикасы Үкіметінің ұсынысы бойынша Ұлттық киноны қолдау мемлекеттік орталығы 2021 жылы мынадай тақырыптардағы толық метражды киножобаларды шығаруға конкурс өткізді:
1. Алтын Орда тарихына арналған фильм;
2. Ақиық ақын Жамбыл Жабаевтың туғанына 175 жыл толуына арналған фильм;
3. Көрнекті қоғам және мемлекет қайраткері Ахмет Байтұрсыновтың өмірі мен еңбек жолына арналған фильм.

2020 жылғы 25 мамырда Ұлттық фильмдерді мемлекеттік қаржылық қолдау мәселелері жөніндегі ведомствоаралық комиссия отырысы өтті. Оның барысында Ұлттық киноны қолдау мемлекеттік орталығы ұйымдастырған екінші іріктеу конкурсының қорытындысы шығарылды. Нәтижесінде, 42 киножоба мемлекеттік қаржылық қолдауға ие болды.

2020 жылғы 21 қыркүйекте өндірісін 2020 жылы бастау жоспарланып отырған ұлттық фильмдерді мемлекеттік қаржылық қолдау мәселелері жөніндегі Ведомствоаралық комиссияның отырысы өткізілді. Отырыс барысында киножобалардың өндіріс мерзімдері мен қаржылық қолдау мөлшерлері бойынша ұсыныстар әзірленді. Отырыс қорытындысына сәйкес, ҰКҚМО екінші питчингіне қатысқан 39 киножоба одан әрі мемлекеттік қолдауға ие болады.