29 маусым мен 5 шілде аралығында Вьетнамда өткен III Danang International Film Festival (DANIFF) кинофестивалінде қазақстандық актриса топ жарды. Нұржан Бексұлтанова «Әбіл» фильміндегі басты рөлдердің бірін кәсіби деңгейде сомдағаны үшін «Үздік актриса» сыйлығына ие болды.
Бұған дейін режиссер Елзат Ескендірдің «Әбіл» фильмі Францияда өткен Vesoul азиялық кинофестивалінде үш бірдей жүлдені жеңіп алған болатын: бас жүлде, киносыншылар жүлдесі, NETPAC қазылар алқасының жүлдесі.
Бұған дейін режиссер Елзат Ескендірдің «Әбіл» фильмі Францияда өткен Vesoul азиялық кинофестивалінде үш бірдей жүлдені жеңіп алған болатын: бас жүлде, киносыншылар жүлдесі, NETPAC қазылар алқасының жүлдесі.
Сондай-ақ, III Бішкек халықаралық кинофестивалінде фильмде басты рөлді сомдаған актер Ерлан Төлеутай «Ең үздік актер» атанып, «Ақ Ілбіріс» мүсіншесімен марапатталды. Қазылар алқасы актердің кейіпкер бейнесін терең әрі шынайы жеткізгенін ерекше атап өтті.
Аталған кинокартинаны Мәдениет және ақпарат министрлігі мен Ұлттық киноны қолдау орталығының қолдауымен Шәкен Айманов атындағы «Қазақфильм» киностудиясы түсірген.
Фильмнің сюжеті тағдыры тарихпен тығыз байланысты адамдардың өмірін бейнелей отырып, қоғамдағы әлеуметтік теңсіздік, дискриминация, капитализм сынды өзекті тақырыптарды қозғайды. Туынды көрерменді есеңгіреген жандармен ашық диалогқа тарту арқылы терең философиялық ой тудырады.
Фильмнің сюжеті тағдыры тарихпен тығыз байланысты адамдардың өмірін бейнелей отырып, қоғамдағы әлеуметтік теңсіздік, дискриминация, капитализм сынды өзекті тақырыптарды қозғайды. Туынды көрерменді есеңгіреген жандармен ашық диалогқа тарту арқылы терең философиялық ой тудырады.