Халықаралық Канн кинофестивалі аясындағы Marche Du Film кинонарығы жұмысын тәмамдады. Оған 108 елден 5 мыңнан астам компания қатысты, оның қатарында Қазақстанның Ұлттық киноны қолдау орталығы да бар.
![](https://static.tildacdn.com/tild3039-3632-4634-b032-663230613433/_WhatsApp_2024-05-24.jpg)
Palais сарайында «Kazakhcinema» стенды орнатылған болатын. Мақсаты – отандық киноөндірістің имиджін қалыптастыру, бірлескен киноөндірісті дамыта отырып, шетелдік серіктестерді тарту, сондай-ақ отандық фильмдердің танымалдығын арттыру. Сонымен қатар Қазақстан шетелдік фильмдер өндірісін субсидиялау жүйесін (рибейт) танымал етуге назар аударды. Оның құқықтық негізі ҚР «Кинематография туралы» Заңының қабылдануымен қамтамасыз етілген.
![](https://static.tildacdn.com/tild3637-3632-4237-b062-336339313965/_WhatsApp_2024-05-24.jpg)
Естеріңізге сала кетейік, Канн фестивалі аясында Қазақстандағы Ұлттық кино орталығы мен Францияның және Грузияның Ұлттық кинематография және анимация орталықтарымен ынтымақтастыққа қол қойылды.
![](https://static.tildacdn.com/tild3531-6634-4837-a532-373834656633/_WhatsApp_2024-05-24.jpg)