Беларусь елінде қазақстандық «Шатырдағы екеу» фильмінің премьерасы өтті. Арнайы көрсетілім Могилёв қаласындағы «Родина» кинотеатрында ұйымдастырылып, оған Қазақстан киноиндустриясының өкілдері қатысты. Атап айтқанда, көрсетілімге фильмнің режиссері Гүлшат Смағұлова, «Қазақстан кинематографистер лигасы» қоғамдық бірлестігінің басқарма төрағасы Айдар Баталов және төраға орынбасары Олжас Асқаров қатысты.
Кинотуындыны Мәдениет және ақпарат министрлігінің тапсырысы бойынша «Ұлттық киноны қолдау мемлекеттік орталығының» қолдауымен «SMAG Production» киностудиясы түсірген.
Кинотуындыны Мәдениет және ақпарат министрлігінің тапсырысы бойынша «Ұлттық киноны қолдау мемлекеттік орталығының» қолдауымен «SMAG Production» киностудиясы түсірген.
«Шатырдағы екеу» – режиссер Гүлшат Смағұлованың тұңғыш режиссерлік дебюті. Ол 15 жылдан астам кино өндірісі саласында жұмыс істеп келеді. Фильмнің сценарий авторы – Жанна Тимофеева, қоюшы суретшісі – Елена Айтова, ал қоюшы операторы – Александр Плотников. Кинода Елдар Әбіш, Александр Черепанов, Лидия Ярцева (Ресей), Ольга Ландина, Евгений Задорожнев, Жанна Қуанышева, Дәулет Кекілбаев, Бағлан Нүрекенова сияқты жас әрі танымал актерлер ойнайды. Түсірілім жұмыстары Алматы қаласы мен Алматы облысы Талғар ауданында жүргізілген. Өткен жылы фильм Қазақстанда қазақ және орыс тілдерінде прокатқа шықты.
Фильм тағдыры қиындыққа толы жас жігіт Дамир мен аутизм дертіне шалдыққан жасөспірім Костяның арасындағы достықты баяндайды. Шығармашылық топ картинада инклюзияның маңызын және ерекше балалардың қоғамға бейімделу мәселесін көтерген.
Фильм тағдыры қиындыққа толы жас жігіт Дамир мен аутизм дертіне шалдыққан жасөспірім Костяның арасындағы достықты баяндайды. Шығармашылық топ картинада инклюзияның маңызын және ерекше балалардың қоғамға бейімделу мәселесін көтерген.
Картина бұған дейін кәсіби қауымдастық пен көрермендер тарапынан жоғары бағаланды. Ол Ханты-Мансийск қаласында өткен XXIII халықаралық кинодебюттер фестивалінде «Душа России. Мировое кино» номинациясы бойынша жүлдеге ие болды. Сонымен қатар, Үндістанда өткен «Золотой лев» ъалықаралық фестивалінде екі марапатты еншіледі.
Мәскеуде өткен Fashion Film Festival шеңберінде фильм түрлі номинациялар бойынша тоғыз марапатқа ие болды. Сондай-ақ, жақында Ресейде өткен «В кругу семьи» байқауында Қазылар алқасының арнайы жүлдесімен марапатталды.
Фильмнің Могилев қаласындағы премьерасы – бұл Қазақстан киносын Беларусь көрермендеріне кеңінен таныстыру ғана емес, сонымен қатар халықаралық мәдени ынтымақтастықты дамыту жолындағы маңызды қадам. Бұл оқиға қазіргі кинематографияда инклюзивті тақырыптардың өзектілігін және елдер арасындағы гуманитарлық диалогты нығайтуға деген ұмтылысты айқын көрсетеді.
Мәскеуде өткен Fashion Film Festival шеңберінде фильм түрлі номинациялар бойынша тоғыз марапатқа ие болды. Сондай-ақ, жақында Ресейде өткен «В кругу семьи» байқауында Қазылар алқасының арнайы жүлдесімен марапатталды.
Фильмнің Могилев қаласындағы премьерасы – бұл Қазақстан киносын Беларусь көрермендеріне кеңінен таныстыру ғана емес, сонымен қатар халықаралық мәдени ынтымақтастықты дамыту жолындағы маңызды қадам. Бұл оқиға қазіргі кинематографияда инклюзивті тақырыптардың өзектілігін және елдер арасындағы гуманитарлық диалогты нығайтуға деген ұмтылысты айқын көрсетеді.
Премьера "Қазақстан кинематографистері лигасы" қоғамдық бірлестігі мен Қазақстан Республикасының Беларусь Республикасындағы Елшілігінің қолдауымен өтті.