Қазақстандық «Шатырдағы екеу» фильмі Майкоп Халықаралық кинофестивалінде «Үздік шетелдік фильм» номинациясы бойынша жеңімпаз атанып, марапат қоржынын толықтырды. Туындыны ҚР Мәдениет және ақпарат министрлігінің тапсырысы бойынша және Ұлттық киноны қолдау мемлекеттік орталығының қолдауымен SMAG Production кинокомпаниясы түсірген.
Бұл – ерекше қажеттіліктері бар адамдардың өмірін шынайы әрі үмітке толы түрде бейнелейтін әлеуметтік-драмалық фильм. Туынды – режиссер Гүлшат Смағұлованың тұңғыш режиссерлік дебюті. Ол 15 жылдан астам кино өндірісі саласында жұмыс істеп келеді.
«Бұл марапатбіздің командамызға шабыт сыйлады. Біз адамгершілігін жоғалтпай, жақсылыққа сеніп өмір сүретін жандар туралы шынайы әрі жүрекке жылы фильм түсіруге тырыстық. Фильмнің Қазақстаннан тыс жерлерде де көрерменге ұнағаны мені қатты қуантады», – деді Г.Смағұлова.
Фильмнің сценарий авторы – Жанна Тимофеева, қоюшы суретшісі – Елена Айтова, ал қоюшы операторы – Александр Плотников. Кинода Елдар Әбіш, Александр Черепанов, Лидия Ярцева (Ресей), Ольга Ландина, Евгений Задорожнев, Жанна Қуанышева, Дәулет Кекілбаев, Бағлан Нүрекенова сияқты жас әрі танымал актерлер ойнайды. Түсірілім жұмыстары Алматы қаласы мен Алматы облысы Талғар ауданында жүргізілген. Өткен жылы фильм Қазақстанда қазақ және орыс тілдерінде прокатқа шықты.
Картина тағдыры қиындыққа толы жас жігіт Дамир мен аутизм дертіне шалдыққан жасөспірім Костяның арасындағы достықты баяндайды. Шығармашылық топ картинада инклюзияның маңызын және ерекше балалардың қоғамға бейімделу мәселесін көтерген.
Туынды бұған дейін кәсіби қауымдастық пен көрермендер тарапынан жоғары бағаланды. Ол Ханты-Мансийск қаласында өткен XXIII халықаралық кинодебюттер фестивалінде «Душа России. Мировое кино» номинациясы бойынша жүлдеге ие болды. Сонымен қатар, Үндістанда өткен «Золотой лев» ъалықаралық фестивалінде екі марапатты еншіледі. Мәскеуде өткен Fashion Film Festival шеңберінде фильм түрлі номинациялар бойынша тоғыз марапатқа ие болды. Сондай-ақ, жақында Ресейде өткен «В кругу семьи» байқауында Қазылар алқасының арнайы жүлдесімен марапатталды.
Майкоп Халықаралық кинофестивалі жыл сайын Ресейде өтеді. Ол – кино өнері арқылы түрлі мәдениеттер арасындағы өзара түсіністік пен байланысты нығайтуға арналған шара.
Бұл – ерекше қажеттіліктері бар адамдардың өмірін шынайы әрі үмітке толы түрде бейнелейтін әлеуметтік-драмалық фильм. Туынды – режиссер Гүлшат Смағұлованың тұңғыш режиссерлік дебюті. Ол 15 жылдан астам кино өндірісі саласында жұмыс істеп келеді.
«Бұл марапатбіздің командамызға шабыт сыйлады. Біз адамгершілігін жоғалтпай, жақсылыққа сеніп өмір сүретін жандар туралы шынайы әрі жүрекке жылы фильм түсіруге тырыстық. Фильмнің Қазақстаннан тыс жерлерде де көрерменге ұнағаны мені қатты қуантады», – деді Г.Смағұлова.
Фильмнің сценарий авторы – Жанна Тимофеева, қоюшы суретшісі – Елена Айтова, ал қоюшы операторы – Александр Плотников. Кинода Елдар Әбіш, Александр Черепанов, Лидия Ярцева (Ресей), Ольга Ландина, Евгений Задорожнев, Жанна Қуанышева, Дәулет Кекілбаев, Бағлан Нүрекенова сияқты жас әрі танымал актерлер ойнайды. Түсірілім жұмыстары Алматы қаласы мен Алматы облысы Талғар ауданында жүргізілген. Өткен жылы фильм Қазақстанда қазақ және орыс тілдерінде прокатқа шықты.
Картина тағдыры қиындыққа толы жас жігіт Дамир мен аутизм дертіне шалдыққан жасөспірім Костяның арасындағы достықты баяндайды. Шығармашылық топ картинада инклюзияның маңызын және ерекше балалардың қоғамға бейімделу мәселесін көтерген.
Туынды бұған дейін кәсіби қауымдастық пен көрермендер тарапынан жоғары бағаланды. Ол Ханты-Мансийск қаласында өткен XXIII халықаралық кинодебюттер фестивалінде «Душа России. Мировое кино» номинациясы бойынша жүлдеге ие болды. Сонымен қатар, Үндістанда өткен «Золотой лев» ъалықаралық фестивалінде екі марапатты еншіледі. Мәскеуде өткен Fashion Film Festival шеңберінде фильм түрлі номинациялар бойынша тоғыз марапатқа ие болды. Сондай-ақ, жақында Ресейде өткен «В кругу семьи» байқауында Қазылар алқасының арнайы жүлдесімен марапатталды.
Майкоп Халықаралық кинофестивалі жыл сайын Ресейде өтеді. Ол – кино өнері арқылы түрлі мәдениеттер арасындағы өзара түсіністік пен байланысты нығайтуға арналған шара.