Мәдениет және ақпарат министрлігі мен «Ұлттық киноны қолдау орталығының» қолдауымен түсірілген «Бауырына салу» фильмі Франциядағы Cinema Heritage фестивалінде арнайы жүлдеге ие болды. Ұйымдастырушылар кинотуындыны жоғары бағалап, фильмді ЮНЕСКО-дағы басым бағыт саналатын мәдени әртүрлілікті насихаттауда мәні зор туынды деп тапқан. Сондай-ақ қазақ мәдениетін терең түсіну және құндылықты насихаттаудың ерек үлгісі екенін атап өткен. Сондықтан аталған марапат – «Бауырына салу» фильміне берілген фестиваль бағасы ғана емес, Қазақстанның мәдени мұрасын сақтауға қосқан үлесі үшін шығармашылық құрамға табысталған жүлде.
Айта кетейік, кейінгі жылдары әлемдік кинематографияны насихаттауға арналған беделді фестиваль халықаралық аудиторияның ерекше назарын аударуда. Жыл сайын Cinema Heritage фестивалі әлемдік киноиндустрияның майталман өкілдерін жинап, үздіктерді анықтайды. Осы маңызды шарада қазақстандық фильмнің еленуі қазақстандық кино өндірісінің деңгейі мен әлемдік кинематографиядағы орнын көрсетеді.
Айта кетейік, бұған дейін режиссер Асхат Кучинчереков түсірген «Бауырына салу» фильмі еліміздің атын халықаралық аренада таныстыру үшін «Оскар комитетіне» ұсынылды.
Айта кетейік, кейінгі жылдары әлемдік кинематографияны насихаттауға арналған беделді фестиваль халықаралық аудиторияның ерекше назарын аударуда. Жыл сайын Cinema Heritage фестивалі әлемдік киноиндустрияның майталман өкілдерін жинап, үздіктерді анықтайды. Осы маңызды шарада қазақстандық фильмнің еленуі қазақстандық кино өндірісінің деңгейі мен әлемдік кинематографиядағы орнын көрсетеді.
Айта кетейік, бұған дейін режиссер Асхат Кучинчереков түсірген «Бауырына салу» фильмі еліміздің атын халықаралық аренада таныстыру үшін «Оскар комитетіне» ұсынылды.